თიანეთში დაწყებული საარჩევნო დავა სამართლებრივ სივრცეში ინაცვლებს. ხმაურიანი განცხადებების შემდეგ მე-20 საარჩევნო უბნის შედეგები შესაძლოა საერთოდ გაუქმდეს. ადგილობრივი სადამკვირვებლო ორგანიზაციის სარჩელზე მცხეთის სასამართლო გადაწყვეტილებას ხვალ გამოაცხადებს. თუმცა სასარჩელო მოთხოვნას არ ეთანხმება თემის მერობის კანდიდატი თამაზ მეჭიაური, რომელიც საიასთან ერთად სასამართლოს ცალკე სარჩელით მიმართავს და საოლქო კომისიის იმ განკარგულების გაუქმებას ითხოვს, რომლითაც მე-20 უბნის მიერ ბათილად ცნობილი ბიულეტენები კომისიამ არაბათილად მიიჩნია. შედეგად მმართველი პარტიის მერობის კანდიდატმა არჩევნები ოთხი ხმით მოიგო. მეჭიაურის გარდა მე-20 უბნის წევრებისთვისაც გაუგებარია, სად გაქრა მათ მიერ ნანახი ცარიელი და შესაბამისად ბათილად გამოცხადებული ბიულეტენები. მოწმეების ჩვენებები მოსამართლემ უკვე მოისმინა.