საქართველოში არსებული საინვესტიციო გარემო, ქვეყანაში განხორციელებული რეფორმები და ეკონომიკური მიმართულებით არსებული პოზიტიური დინამიკა - აღნიშნულის შესახებ პრემიერ-მინისტრი გიორგი კვირიკასვილი ამერიკის შეერთებული შტატების სავაჭრო-საინვესტიციო მისიას ესაუბრა.

დელეგაციის წევრები ქვეყანაში ინვესტირების შესაძლებლობებს სწავლობენ. მისია 26 კომპანიას, მათ შორის 12 მსხვილ კორპორაციას და ამერიკის შეერთებული შტატების კომერციის დეპარტამენტის წარმომადგენლობებს აერთიანებს.

პრემიერ-მინისტრმა დელეგაციას ვიზიტისთვის მადლობა გადაუხადა.