ჩრდილო კორეა აშშ-ს მშვიდობიან თანაარსებობას სთავაზობს. ჩრდილო კორეული მედიის ინფორმაციით, ფხენიანი ვაშინგტონს მოუწოდებს, აღიაროს ჩრდილო კორეის ბირთვული სტატუსი და აცხადებს, რომ საჭიროა, მოიძებნოს გზა მშვიადობიანი თანაარსებობისთვის.
ფხენიანში ამბობენ, რომ ჩრდილო კორეისა და აშშ-ის ბირთვული კონფრონტაციის წყარო თავიდან ბოლომდე აშშ-ის მტრული პოლიტიკაა.
ჩრდილო კორეა ჩინეთსა და რუსეთს გაეროს უშიშროების საბჭოში ფხენიანის წინააღმდეგ დაწესებული სანქციების მხარდაჭერისთვის აკრიტიკებს.
ბოლო დროს, ვაშინგტონსა და ფხენიანს შორის ვითარება აშშ-სა და სამხრეთ კორეის ერთობლივი სამხედრო წვრთნების მიმდინარეობის გამო გართულდა. ჩრდილო კორეის ბირთვული საფრთხის გამო, სამხრეთ კორეაში 28 ათასი ამერიკელი სამხედროა ბაზირებული.