ადგილობრივი თვითმმართველობის არჩევნებამდე ორი დღით ადრე „სამართლიანი არჩევნებისა და დემოკრატიის საერთაშორისო საზოგადოებამ“ წინასაარჩევნო მონიტორინგის მესამე შუალედური ანგარიში გამოაქვეყნა. ანგარიში 26 სექტემბრიდან 16 ოქტომბრის ჩათვლით პერიოდს მოიცავს და მასში აღნიშნულია, რომ კენჭისყრის დღის მოახლოებასთან ერთად გახშირდა კანონმდებლობის დარღვევის ისეთი ფაქტები, რომლებიც საფრთხეს უქმნის საარჩევნო სუბიექტებისთვის თანასწორ და თავისუფალ წინასაარჩევნო გარემოს.