ესპანეთის მთავრობა კატალონიის რეგიონის მმართველისგან პასუხს ელოდება.

კარლეს პუიჩდემონმა უნდა განმარტოს, ნიშნავს თუ არა 10 ოქტომბერს პარლამენტში ხემოწერილი დეკლარაცია იმას, რომ კატალონიამ დამოუკიდებლობა გამოაცხადა. ამ შეკითხვაზე პასუხს მადრიდში დღეს დილის 10 საათზე ელოდებოდნენ. სანაცვლოდ კარლეს პუიჩდემონმა ესპანეთის პრემიერ-მინისტრს წერილი გაუგზავნა, სადაც ის მარიანო რახოის დიალოგის დაწყებას სთავაზობს.

მადრიდიდან პუიჩდემონს უპასუხეს, რომ დიალოგისთვის მზად არიან, თუმცა კანონის ფარგლებში. მანამდე კი მთავრობას სურს გაიგოს, რას ნიშნავს დამოუკიდებლობის დეკლარაცია.

მადრიდში განმარტავენ, რომ ახლა სწორედ პუიჩდემონის პასუხზეა დამოკიდებული კონსტიტუციის 155 - ე მუხლის ამოქმედება.