სომალის დედაქალაქში დანაღმული სატვირთო ავტომობილის აფეთქებას 40 ადამიანი ემსხვერპლა. გავრცელებული ინფორმაციით, სატვირთო ხალხით სავსე ქუჩაზე შევარდა და სასტუმრო "საფარის" მიმდებარე ტერიტორიაზე აფეთქდა. დაღუპულთა უმრავლესობა სამოქალაქო პირია. სააგენტო „ასოშიეთიდ პრესი“ თავდაპირველად 20 დაღუპულისა და 15 დაშავებულის შესახებ ავრცელებდა ინფორმაციას, თუმცა მოგვიანებით, მსხვერპლის რიცხვი გაიზარდა. ამ თავდასხმიდან სულ ცოტა ხანში, მოგადიშოში კიდევ ერთი აფეთქების ხმა გაისმა, თუმცა ინციდენტს მსხვერპლი არ მოჰყოლია.