ისლანდიელი მუსიკოსი​ ბიორკი თბილისში ორ კონცერტს გამართავს, ბილეთების ფასი 50-დან 750 ლარამდე იქნება - ამის შესახებ SOU festival-ის წარმომადგენლები სოციალურ ქსელში ავრცელებენ ინფორმაციას.

ბიორკის სოლო კონცერტები თბილისის საკონცერტო დარბაზსა და თბილისის ოპერისა და ბალეტის სახელმწიფო თეატრში გაიმართება.

„წარმოგიდგენთ ლეგენდარული ისლანდიელი მუსიკოსის Björk-ის ორ სოლო-კონცერტს თბილისში.

საქართველოს ეროვნული სიმფონიური ორკესტრის სიმების თანხლებით, კონცერტები თბილისის საკონცერტო დარბაზსა და თბილისის ოპერისა და ბალეტის სახელმწიფო თეატრში გაიმართება.

თბილისის საკონცერტო დარბაზში კონცერტი 31 ოქტომბერს, 21:00-ზე დაიწყება. ბილეთების შეძენა ორშაბათს დილის 10:00-დან იქნება შესაძლებელი, საკონცერტო დარბაზის სალაროებსა და www.tkt.ge-ზე.

ფასი: 50 ლარიდან - 570 ლარამდე

თბილისის ოპერისა და ბალეტის სახელმწიფო თეატრში კონცერტი 3 ნოემბერს, 21:00-ზე დაიწყება. ბილეთების შეძენა ორშაბათს დილის 10:00-დან იქნება შესაძლებელი, ოპერის სალაროებსა და www.tkt.ge-ზე.

ფასი: 80 ლარიდან -750 ლარამდე“ - აცხადებენ SOU festival-ის ორგანიზატორები.

ისლანდიელი მუსიკოსის ბიორკის საქართველოში დაგეგმილი კონცერტების შესახებ ინფორმაცია ცოტა ხნის წინ პირველმა არხმა გაავრცელა.