2018 წლის 1 იანვრიდან ამერიკის შეერთებული შტატები გაერთიანებული ერების განათლების, მეცნიერებისა და კულტურის ორგანიზაციის - იუნესკოს წევრი აღარ იქნება.

შესაბამისი გადაწყვეტილება დონალდ ტრამპის ადმინისტრაციამ ორგანიზაციის ისრაელის საწინააღმდეგო პოზიციისა და ნახევარი მილიარდი დოლარის ოდენობის დავალიანების გამო მიიღო.

ვაშინგტონის შემდეგ, იუნესკო-დან გასვლის შესახებ ისრაელმაც განაცხადა.

ეს პირველი შემთხვევა არ არის, როდესაც ამერიკის შეერთებული შტატები იუნესკოს ტოვებს. პირველად ასეთი გადაწყვეტილება რონალდ რეიგანის ადმინისტრაციამ 1984 წელს მიიღო.