საფრანგეთის პრეზიდენტი ემანუელ მაკრონი აცხადებს, რომ ევროპელ ლიდერებს ევროკავშირის მომავლის შესახებ საკუთარი ხედვების წარსადგენად ერთი წელი აქვთ. ამის შესახებ, გამოცემა „პოლიტიკოს“ ცნობით, მაკრონმა ფრანკფურტში, გოეთეს ინსტიტუტში სიტყვით გამოსვლისას განაცხადა.

მაკრონი მიიჩნევს, რომ ევროპელმა ლიდერებმა ევროკავშირის მომავლის შესახებ მოლაპარაკებები ახლავე უნდა დაიწყონ.

„ვფიქრობ, ჩვენ უნდა დავიწყოთ დისკუსია. ჩვენ გვაქვს ერთი წელი, რათა განვსაზღვროთ და შევადგინოთ საერთო საგზაო რუკა“, - განცხადა საფრანგეთის ლიდერმა.

ემანუელ მაკრონის განცხადებით, მას ევროპული დისკუსიის დასაწყებად გერმანიაში ჩასვლა უფრო ხშირად სურს. მან ასევე გერმანიის კანცლერი და სხვა ლიდერები საფრანგეთში მოიწვია.

ფრანკფურტის წიგნის ბაზრობის გახსნაზე სიტყვით გამოსვლისას ემანუელ მაკრონმა ევროპელ ლიდერებს ევროკავშირის რეფორმირებისკენ მოუწოდა.

„თუ ჩვენ მზად ვართ ერთობლივი პოლიტიკისთვის უსაფრთხოების, ციფრული ინფრასტრუქტურის, ენერგეტიკის, მიგრაციის, ტერორიზმთან ბრძოლის სფეროებში, მაშინ რატომ არ შეიძლება გვქონდეს ევროზონის საერთო ბიუჯეტი?“, - განაცხადა მაკრონმა.

შეგახსენებთ, 2019 წელს ევროპარლამენტის არჩევნებია დაგეგმილი.