ოქტომბერი 8, 2017
კახათში, ჩაის ყოფილი ფაბრიკის შენობაში ჩასახლებულები დახმარებას ითხოვენ. იძულებით გადაადგილებულმა 15-მა ოჯახმა აქცია გამართა.
დევნილები ამბობენ, რომ შენობა ავარიულია და წვიმის დროს მათ საცხოვრებელ ბინებში წყალი ჩადის.
აქციის მონაწილეები შენობის გადახურვას და საკანალიზაციო სისტემის მოწესრიგებას ითხოვენ.
მათი თქმით, კანალიზაცია პირდაპირ სასმელ ჭაში ჩაედინება. დევნილთა სამინისტროს აჭარისა და სამეგრელო-ზემო სვანეთის ტერიტორიული ორგანოს ხელმძღვანელის განმარტებით, პრობლემის მოგვარებაზე უკვე მუშაობენ და საბოლოო გადაწყვეტილების მისაღებად, შენობის ექსპერტიზის პასუხს ელოდებიან.
მაჩვენე მეტი