თბილისის საკრებულოს გადაწყვეტილება, რომელსაც გუშინდელი აქციის მონაწილეები აპროტესტებდნენ, დღეს კიდევ ერთხელ გახდა პოლიტიკური განცხადებების საგანი.

პუშკინის სკვერის მიმდებარე ტერიტორიაზე და თაბორის მთაზე დაგეგმილი პროექტების საინვესტიციო მნიშვნელობაზე ამჯერად თავად პრემიერ-მინისტრმა ისაუბრა.

მთავრობის მეთაურის ტონი ყოფილი მმართველი პარტიის მისამართით განსაკუთრებით მწვავე იყო. გიორგი კვირიკაშვილმა ნაციონალურ მოძრაობას გაკოტრებული ლიდერის მიმდევრები უწოდა და თანაგუნდელებს მეტი სითამამისკენ მოუწოდა.