ცნობილია აგვისტოს ომის გამოძიებასთან დაკავშირებული თარიღი, რომელსაც ოფიციალური თბილისი თვეებია ელის.
საქართველოში სისხლის სამართლის საერთაშორისო სასამართლოს ოფისი იანვარში უნდა გაიხსნას. სწორედ ამ დროისთვის იქნება შერჩეული ქართული წარმომადგენლობის ხელმძღვანელიც, რომელიც ოფისის მუშაობაზე და საგამოძიებო პროცესის წარმართვაზე იქნება პასუხისმგებელი. იგულისხმება ომის მსხვერპლთა და დაზარალებულთა ოჯახების გამოკითხვა და მტკიცებულებების შეგროვება.
სიახლეა ისიც, რომ ძიების პარალელურად თბილისში ჰააგის სასამართლოს ნდობის ფონდი ამუშავდება, რომელიც დაზარალებულების მატერიალური და ფსიქოლოგიური დახმარების მიმართულებით იმუშავებს.
ინფორმაცია ქართულ მედიას სასამართლოს კანცლერმა და პროკურორის ოფისის წარმომადგენლებმა მიაწოდეს.