ორი თვის განმავლობაში, დიმიტრი შევარდნაძის სახელობის ეროვნული გალერეა ორ იტალიურ გამოფენას უმასპინძლებს, სახელწოდებით: უნივერსალური ღირებულებები: ბოტიჩელი-სილამაზე, კარავაჯო-სინათლე ექსპოზიციაზე იტალიელი მხატვრის კარავაჯოს 40-მდე ნამუშევრის ნატურალური ზომის ციფრული რეპროდუქცია იქნება წარმოდგენილი.

ასევე, გამოიფინება სანდრო ბოტიჩელის ვენერას ორიგინალი, რომელიც 1930 წლიდან ტურინის გალერეა საბაუდას კოლექციის ნაწილია.

ვენერას საქართველოში გამოფენის გახსნამდე ერთი დღით ადრე ჩამოიტანენ. პროექტი ჩექ ინ ჯორჯიას ფარგლებში, იტალიის საელჩოს კოორდინირებით ხორციელდება.

გამოფენა 5 ოქტომბერს გაიხსნება და 29 ნოემბრამდე გაგრძელდება.