ლიტერატურული პრემია „საბას“ გამარჯვებულთა ვინაობა ცნობილია. პრემია „საბაზე“ 300 კონკურსანტიდან 47 შეირჩა. ლიტერატურული პრემია „საბა“ ქართული ლიტერატურის განვითარებაში შეტანილი განსაკუთრებული წვლილისთვის ლია სტურუას გადაეცა.

წლის საუკეთესო რომანი - ალეკო შუღლაძე, „გადამალვა“

წლის საუკეთესო პოეტური კრებული - ვახტანგ ჯავახაძე, „ელეგია და სხვა“

წლის საუკეთესო პროზაული კრებული - რუსუდან რუხაძე, „ერთი თქვენგანი გამცემს“

წლის საუკეთესო პიესა - ლაშა თაბუკაშვილი, „სადღაც, ცისარტყელას მიღმა...“

წლის საუკეთესო ლიტერატურული დებიუტი - ბექა ახალაია „ამ ვალმოხდილი ფოთლებისთვის“.

წლის საუკეთესო ლიტერატურული კრიტიკა - ნანა ტრაპაიძე „ლიტერატურა და ლიტერატურა“.

წლის საუკეთესო ესსეისტიკა და დოკუმენტური პროზა - ლევან ბერძენიშვილი „წიგნიერების ევოლუცია“.

უცხოური ნაწარმოების საუკეთესო ქართული თარგმანი - ხათუნა ცხადაძე უმბერტო ეკოს „ფუკოს ქანქარა“

ქართული ნაწარმოების საუკეთესო უცხოური თარგმანი - სიბილა შულცე ანა კორძაია-სამადაშვილის „ვინ მოკლა ჩაიკას“ გერმანულ ენაზე თარგმანისთვის

საუკეთესო ელექტრონული წიგნი - ანდრო ბუაჩიძე - „გაზაფხული მოდის ღამეში“ და ლუკა ბაქანიძე მოთხრობების კრებულისთვის "სად ხარ, ლაზარე..."

მკითხველის რჩეული ნომინაციაში საუკეთესო დებიუტი - ზურა აბაშიძე „როგორ მოვკლათ ბილი ელიოტი“.

გამარჯვებულ ავტორებს, სპეციალურ პრიზთან ერთად, გადაეცემათ ფულადი პრემიები. საპრემიო ფონდი 52 ათას ლარს შეადგენს.

კონკურსის ჟიურის, რომელიც 5 წევრისგან შედეგება, არ ჰყავს თავმჯდომარე. გამარჯვებულის გამოვლენა ხდება დახურული კენჭისყრით, მინიმუმ სამი ხმის მიღების შედეგად.

ყოველწლიური ლიტერატურული პრემია “საბა” 2003 წელს „თიბისი“ ბანკმა და პენ-ცენტრმა დააფუძნა. წელს ცერემონია საქართველოს ისტორიის მუზეუმ „ქარვასლაში“ ჩატარდა.