ქართველი მეწარმეებისა და მათი პროდუქციის პოპულარიზაციის მიზნით თბილისში, მეიდანზე ორდღიანი სამეწარმეო მარკეტი მოეწყო. ღონისძიებას დედაქალქის მერი და საქართველოს ეკონომიკისა და მდგრადი განვითარების მინისტრი, გიორგი გახარია მოადგილეებთან ერთად დაესწრნენ.
სააგენტოს „აწარმოე საქართველოში“ ორგანიზებით გამართულ გამოფენა-გაყიდვაზე წარმოდგენილია საქართველოში დამზადებული სუვენირები, სამოსები, საკონდიტრო ნაწარმი, ჩირი, ალკოჰოლური სასმელები, ჩაი, სასურსათო პროდუქცია და ა.შ. ღონისძიებაზე მოსულ სტუმრებს საშუალება აქვთ დააგემოვნონ სხვადასხვა პროდუქცია.
ღონისძიების ფარგლებში ასევე წარმოდგენილია სააგენტოს „აწარმოე საქართველოში“ საინფორმაციო სტენდი, სადაც დაინტერესებულ პირებს შესაძლებლობა აქვთ გაიგონ მეტი სააგენტოს მიერ განხორციელებული პროექტებისა და სახელმწიფოს მხრიდან ბიზნესის მხარდასაჭერად შემოთავაზებული მექანიზმების შესახებ. სამეწარმეო მარკეტი დღეს გაიხსნა და ხვალ დასრულდება.