ხმაურით დაწყებული და ფიზიკური დაპირისპირებით დასრულებული დღე თბილისის საკრებულოში - დედაქალაქის მერობის ოპოზიციონერი კანდიდატების და მათი თანაგუნდელების პროტესტმა თვითმმართველი ორგანოს სამუშაო დღის წესრიგი შეცვალა. შენობაში საპატრულო პოლიციის გამოძახება გახდა საჭირო.

თითქმის ჩაშლის პირას მისული სხდომა საათნახევრის შემდეგ განახლდა. ამ დროის განმავლობაში დარბაზში ურთიერთბრალდებები და შეურაცხმყოფელი ეპითეტები ისმოდა.

უთანხმოების საგანი იყო მიწის ორი ფართი, რომლებსაც საკრებულომ ზონალური სტატუსი შეუცვალა.