სენაკის ცენტრალურ სტადიონზე საქართველოს შეიარაღებული ძალების ქვედანაყოფებს შორის ფეხბურთში ტურნირი გაიმართა. სპორტულ ღონისძიებაში პირველობისთვის სამხედო პოლიციის, სახმელეთო ჯარების დასავლეთ და აღმოსავლეთ სადლობების, ასევე წვრთნისა და სამხედრო განათლების სარდლობის, ეროვნული გვარდიის, საინჟინრო ბრიგადის ათმა გუნდმა იასპარეზა.
საფეხბურთო ტურნირის გამარჯვებული II ქვეითი ბრიგადის გუნდი გახდა. მეორე ადგილზე II საარტილერიო ბრიგადის გუნდი, ხოლო მესამე ადგილზე III ქვეითი ბრიგადის გუნდი გავიდა. პირველ ადგილოსან გუნდს მედლები სახმელეთო ჯრების დასავლეთ სარდლის მოადგილემ, პოლკოვნიკმა ჯონი ტატუნაშვილმა, ხოლო საპრიზო თასი გენერალური შტაბის სპორტული სამსახურის უროსმა, ვიცე-პოლკოვნიკმა ლაშა ყარმაზანაშვილმა გადასცა. მედლებით დაჯილდოვდნენ მეორე და მესამე ადგილზე გასული გუნდები.
დღესვე გამოვლინდა ტურნირის საუკეთესო ფეხბურთელი - II ქვეითი ბრიგადის სამხედრო მოსამსახურე, ბაკურ ნანეიშვილი. საუკეთესო მეკარე - II საარტილერიო ბრიგადის გუნდის მეკრე კობა იაკობაძე. საუკეთესო თავდამსხმელი - II ქვეითი ბრიგადის სამხედრო მოსამახურე ნიკოლოზ უგრეხელიძე.
ტურნირის ორანიზება გენერალური შაბის სპორტულმა სამსახურმა უზრუნველყო. ხოლო ტურნირში მონაწილე საფეხბურთო გუნდებს II ქვეითმა ბრიგადამ უმასპინძლა.