ქობულეთის მუნიციპალიტეტის სოფლებში ჩამოწოლილი მეწყრის გამო, ორი ოჯახმა საცხოვრებელი სახლები დროებით დატოვა და ახლობლებთან გადავიდნენ საცხოვრებლად . პრობლემები სტიქიამ სოფელ ლეღვისა და წყავროკის მცხოვრებლებს შეუქმნა. გუშინ გვიან ღამით მოსული ძლიერი წვიმის გამო მეწყრული პროცესები რვა სოფელში განვითარდა.
„ექვს სახლთან ჩამოწვა მეწყერი, ორი ოჯახი წყავროკადან და ლეღვადან დროებით გავხიზნეთ. მალე გეოლოგები ჩამოვლენ დამეწყრილ ადგილებში და დეტალურად შეისწავლიან არსებულს სიტუაციას. მეწყერი ექვს სახლთან ჩამოწვა, თუმცა ამ დროისთვის ყველას გახიზვნის საჭიროება არ არის“, - განაცხადა პირველ არხთან ქობულეთის გამგებელმა, სულხან ევგენიძემ.
მეწყერმა პრობლემები შექმნა ქაქუთის, ლეღვას, წყავროკის, აჭყვისთავის, მუხაესტატეს, ალამბარისა და ცეცხლაურის სასოფლო გზებზე. ამჟამად გზის გაწმენდით სამუშაოებს 17 ერთეული მძიმე ტექნიკა ასრულებს. გამგეობის ინფორმაციით, სოფლების ცენტრებამდე მისასვლელი გზები გაწმენდილია.