იუსტიციის მინისტრი შალვა ნათელაშვილს მის წინააღმდეგ ცილისმწამებლური ინფორმაციის გავრცელებას ედავება და კომპენსაციის სახით ორ ლარს ითხოვს.

საქმე ეხება თეა წულუკიანის ფინანსურ მდგომარეობას. შალვა ნათელაშვილმა სატელევიზიო ეთერით განაცხადა, რომ წულუკიანს აქვს ბინა სტრასბურგში, რომლის შესყიდვის თანხაც მას, ყოფილმა პრემიერ-მინისტრმა, ბიძინა ივანიშვილმა დაუფარა.

წულუკიანის ადვოკატის თქმით, მას გააჩნია იმის დამამტკიცებელი საბუთები, რომ თეა წულუკიანს არც სესხის სახით და არც ერთჯერადად, ქართუ ბანკისაგან ფული არ მიუღია.

სასამართლო სხდომაზე, ნათელაშვილმა თეა წულუკიანის და მინისტრთა კაბინეტის დაკითხვაც მოითხოვა. მოპასუხე მხარის არცერთი შუამდგომლობა არ დააკმაყოფილა მოსამართლემ.