ბორჯომის რაიონი ისევ სტიქიის ზონად რჩება. არჯევანიძის ტყეში ხანძრის ლოკალიზება ამ დრომდე ვერ ხერხდება.

დაბა წაღვერში მთელი დღის განმავლობაში ძლიერი ქარი იყო, რამაც ცეცხლის კიდევ უფრო სწრაფად გავრცელებას შეუწყო ხელი. გაჩნდა რამდენიმე ახალი კერა. ყველაზე რთული ვითარება ამ დროისთვის მუხრანის მთის ფერდობზეა.

სალიკვიდაციო სამუშაოებში ცოცხალ ძალასთან ერთად, ჩართული იყო ავიაციაც. ქართულ საფრენ აპარატს აზერბაიჯანული ვერტმფრენიც დაეხმარება.

ამ დროის მონაცემებით, დასახლებულ ტერიტორიამდე ცეცხლის გავრცელების საფრთხე არ არსებობს.

ბორჯომის რაიონში რჩება „მოამბის“ გადამღები ჯგუფი. ნინო ფისაძე დეტალებით წაღვერიდან.