ბარსელონა ხალხმრავალმა აქციებმა მოიცვა. ესპანეთის პოლიციის მიერ კატალონიაში ჩატარებული სპეცოპერაციის შედეგად ადგილობრივი მთავრობის 14 წევრია დაკავებული.

სამართალდამცავების ინფორმაციით, დაკავებულები კატალონიის ესპანეთისგან გამოყოფის შესახებ რეფერენდუმის მომზადებაში არიან ეჭვმიტანილები.

სპეცოპერაციამდე ესპანეთის საკონსტიტუციო სასამართლომ მოახლოებული რეფერენდუმი უკანონოდ გამოაცხადა. აქციების მონაწილეები ფიქრობენ, რომ ოფიციალურმა მადრიდმა კატალონიას თვითმმართველობა ფაქტობრივად ჩამოართვა.