უკრაინის პრემიერ-მინისტრმა ვლადიმერ გროისმანმა განაცხადა, რომ საქართველოს ყოფილი პრეზიდენტისა და ოდესის ოლქის ყოფილი გუბერნატორის, მიხეილ სააკაშვილის საქმე არა უკრაინის მთავრობის, არამედ უკრაინის სამართალდამცავი უწყების კომპეტენციაში შედის. ამის შესახებ გროისმანმა კიევში გამართულ ფორუმზე ისაუბრა.

მისი თქმით, სააკაშვილი უკრაინის ახალ მთავრობას ჰპირდებოდა, რომ რეფორმატორებან ერთად ქვეყანაში მნიშვნელოვან რეფორმებს გაატარებდა. „მე მის მიერ განხორციელებული მნიშვნელოვანი და სასარგებლო არაფერი მინახავს.“ - განაცხადა ვლადიმერ გროისმანმა.