საერთაშორისო მისიებსა და სამსახურებრივი მოვალეობის შესრულების დროს დაღუპული ჯარისკაცების შვილების პირველი დღე სკოლაში.
ავღანეთში დაღუპული კაპრალის ალექსანდრე კვიწინაძის შვილი - გიორგი კვიწინაძე პირველ კლასში პირადად საქართველოს თავდაცვის მინისტრმა მიიყვანა და სწავლის დაწყება საჩუქარებით მიულოცა.
პარალელურად, დღეს პირველ კლასში საერთაშორისო მისიებსა და სამსახურებრივი მოვალეობის შესრულების დროს დაღუპული ჯარისკაცების შვილები თავდაცვის სამინისტროს სხვა ხელმძღვანელ პირებთან ერთად მივიდნენ.
შინაგან საქმეთა მინისტრი სამსახურებრივი მოვალეობის შესრულების დროს დაღუპული პოლიციელის ზურაბ ზოიძის პირველკლასელ შვილს სასწავლო წლის დაწყებასთან დაკავშირებით ბათუმში ესტუმრა, საჩუქრები გადასცა და სკოლაში წაიყვანა.
გიორგი მღებრიშვილის ინიციატივით, უკვე მესამე წელია, ტრადიციად დამკვიდრდა, რომ შსს-ს დაღუპული თანამშრომლების პირველკლასელ შვილებს შს მინისტრი და სამინისტროს სხვადასხვა დეპარტამენტის ხელმძღვანელები სასწავლო წლის დაწყებას პირადად ულოცავენ, საჩუქრებს გადასცემენ და სკოლაში მიჰყავთ.