ალკოჰოლური ზემოქმედების ქვეშ ავტომობილის მართვის 2 500-მდე შემთხვევა ბოლო ორ თვეში: ასეთია სტატისტიკა საგზაო მოძრაობის შესახებ კანონში შესული ცვლილებების ამოქმედებიდან პირველ სექტემბრამდე.
მოამბის მიერ გამოთხოვილი ოფიციალური მონაცემებით, მარტო თბილისში, საჭესთან ნასვამ მდგომარეობაში ყოფნის გამო, მართვის მოწმობა 836-მა მოქალაქემ დაკარგა. დედაქალაქის შემდეგ ანალოგიური კანონდარღვევის ყველაზე მეტი ფაქტი აჭარაში ფიქსირდება.
დღეს გასაჯაროებული ციფრები საგანგაშოა არასამთავრობო ორგანიზაციებისთვის, რომლებიც ახალდამტკიცებული კანონის კიდევ უფრო გამკაცრებას ითხოვენ.
კიდევ ერთი მოთხოვნა მართვის მოწმობის აღსადენად დაწესებული ვადის გახანგრძლივებას ეხება.
ირკვევა, რომ ივლისი-აგვისტოს სტატისტიკა კანონის დამტკიცებამდე წინა ორი თვის მონაცემებსაც კი აჭარბებს.
ხათუნა გაგნიძის სიუჟეტი.