13 სექტემბერი, 2017
პირველი არხი 2017 წლის საბავშვო ევროვიზიის საკონკურსო სიმღერის გამოსავლენად კონკურსს აცხადებს. წელს კონკურსში საქართველოს გრიგოლ ყიფშიძე წარადგენს.

კონკურსში მონაწილეობის მსურველებმა, ავტორებმა და კომპოზიტორებმა ელ.მისამართზე [email protected] უნდა გამოაგზავნონ სპეციალურად ამ კონკურსისთვის შექმნილი სიმღერა და ავტობიოგრაფია.

სიმღერის ხანგრძლივობა არ უნდა აღემატებოდეს 3 წუთს, ხოლო ტექსტი უნდა იყოს ქართულ ენაზე.

განაცხადები მიიღება - 12-დან 25 სექტემბრამდე.

დამატებითი ინფორმაცია იხილეთ eurovision-georgia.ge; დაგვიკავშირდით - 2409110.

საბავშვო ევროვიზიის რიგით მეთხუთმეტე კონკურსი საქართველოში, თბილისის ოლიმპიურ სასახლეში 26 ნოემბერს გაიმართება.