შესაძლო უცხოპლანეტელებისთვის კოსმოსში დედამიწის ხალხთა გზავნილის გაშვებიდან 40 წელი გავიდა. თანამგზავრ, „ვოიაჯერ ერთის“ მოგზაურობა უკვე 4 ათწლეულია გრძელდება.

ავტომატური ზონდი დღეს დედამიწიდან ყველაზე შორს მდებარე, ადამიანის მიერ შექმნილი აპარატია. ის ჩვენი პლანეტიდან 20 მილიარდ 909 მილიონ 70 ათასი კილომეტრის მოშორებით არის და ეს დისტანცია ყოველ წამს იცვლება.

მსფოლიო ხალხთა გზავნილს შორის არის ქართული კლასიკური საგუნდო პოლიფონიური სიმღერა „ჩაკრულო“. კოსმოსში ჩაკრულოს გაგზავნის 40 წლის იუბილე ვაშინგტონში აღინიშნა.

მეცნიერებმა 1977 წელს ხომალდ „ვოიაჯერის“ გამგზავრება გაიხსენეს და ის ფაქტიც აღნიშნეს, თუ როგორ უშლიდა მაშინ მოსკოვი ხელს ოქროს დისკზე „ჩაკრულოს“ მოხვედრას.