გაერთიანებულ პროფკავშირებში მოახლოებული არჩევნების გარშემო ურთიერთბრალდებები გრძელდება. ორგანიზაციის ხელმძღვანელობის კანდიდატი დავით ოქიტაშვილი მზადაა, საარჩევნო პროცესს გამოეთიშოს - თუმცა ერთი პირობით - თუ ანალოგიურ გადაწყვეტილებას მისი კონკურენტი ირაკლი პეტრიაშვილიც მიიღებს.

პროფკავშირების მოქმედი პრეზიდენტი შეთავაზებაზე უარს ამბობს. ოქიტაშვილის გარდა, პეტრიაშვილის ბრალდებების სამიზნე საარჩევნო მარათონში ჩართული კიდევ ერთი კანდიდატი ხდება.

მწვავე განცხადებების პარალელურად, პეტრიაშვილ-ოქიტაშვილის დავა უკვე სამართლებრივ სივრცეში ინაცვლებს.