„ქართული ოცნება - დემოკრატიული საქართველოს“ თბილისის მერობის კანდიდატი კახა კალაძე გლდანის რამდენიმე მიკრორაიონში მოსახლეობას შეხვდა და მათ საჭიროებებს ადგილზე გაეცნო.

მერობის კანდიდატმა ყურადღება სოციალურ, ეკოლოგიურ და ინფრასტრუქტურულ საკითხებზე გაამახვილა. მან ხაზი გაუსვა ახალგაზრდებში ჯანსაღი ცხოვრების წესის პოპულარიზაციას.

მერობის კანდიდატის განცხადებით, რეაბილიტაცია ჩაუტარდება თბილისის დენდროლოგიურ პარკს და მეტროსადგურებს. განახლდება მუნიციპალური ავტოპარკი. მისი თქმით, მერია მხარს დაუჭერს ტექდათვალიერების შემოღებასაც.