სამეგრელო, გურია, იმერეთი, აჭარა - ოთხ რეგიონში აზიური ფაროსანასგან მიყენებულ მასშტაბურ ზარალს ითვლიან. ქვეყანაში 2015 წლიდან გავრცელებულმა მავნე მწერმა მოსახლეობას მოსავლის დიდი ნაწილი გაუნადგურა. განსაკუთრებით მძიმე სურათია სამეგრელოში, სადაც თხილის და სიმინდის მოსავლის დიდი ნაწილი უვარგისია. მავნებლის განადგურებას ადგილობრივები ნარგავების ქიმიური შეწამვლით ცდილობენ, თუმცა ჯერ უშედეგოდ. მუნიციპალიტეტებიდან თანხა გამოყოფილია, თუმცა მოსახლეობას მავნებლის გავრცელების საწინააღმდეგო საშუალებების შეძენა საკუთარი სახსრებითაც უწევს.