შსს-ს ერთობლივი ოპერაციების ცენტრს, ამერიკული სავაჭრო პალატის (AmCham) ბიზნეს-ფორუმის ფარგლებში, ყირგიზეთის რესპუბლიკის 21-კაციანი დელეგაცია ეწვია. დელეგაციის წევრებს შს მინისტრის მოადგილე, დავით ვარდიაშვილი და ერთობლივი ოპერაციების ცენტრის დირექტორი, გიორგი არსოშვილი შეხვდნენ.

სტუმრებმა მულტიფუნქციური და მაღალტექნოლოგიური ცენტრი დაათვალიერეს, მის დანიშნულებასა და ფუნქციებს გაეცნენ. დელეგაციის წევრები რეალურ დროში ადმინისტრაციული სამართალდარღვევების გამოვლენისა და სატრანსპორტო ნაკადების მართვის პროცესსაც დააკვირდნენ.