უმაღლესი სასწავლებლები უცხოენოვანი სასწავლო პროგრამების აკრედიტაციის მოპოვებას ცდილობენ.

წელს პირველად შემოწმების პროცესში სხვადასხვა ქვეყნიდან მოწვეული სპეციალისტები ერთვებიან.

სიახლეა ისიც, რომ მათთან ერთად საექსპერტო საბჭოს მუშაობაში სტუდენტებიც იღებენ მონაწილეობას.

მონიტორინგის დროს მოწმდება, რამდენად შეესაბამება ინგლისურენოვანი პროგრამების სწავლება საერთაშორისო სტანდარტებს. დადებითი დასკვნა უნივერსიტეტების ავტორიზაციის მიღების ერთ-ერთი მთავარი წინაპირობა იქნება.