საიდუმლო დოკუმენტები და სკანდალში გახვეული ევროპელი პოლიტიკოსები - საერთაშორისო ჟურნალისტური გამოძიების შედეგების გამო, აზერბაიჯანი მსოფლიო პრესის ყურადღების ცენტრში რჩება.

საუბარია ქვეყნიდან უკანონო გზებით გადარიცხულ სამ მილიარდამდე დოლარზე და მოსყიდულ ათეულობით პოლიტიკოსსა და ჟურნალისტზე.

კორუფციისა და ორგანიზებული დანაშაულის პროექტის კოორდინაციით ჩატარებული გამოძიების ავტორები ამტკიცებენ, რომ აზერბაჯანის ხელისუფლება საერთაშორისო ასპარეზზე პოზიტიური იმიჯის შესაქმნელად საიდუმლო ფონდიდან ე.წ. ლობისტურ ოპერაციას აფინანსებდა.

აზერბაიჯანული ლაუნდრომატის სახელით ცნობილი ჟურნალისტური გამოძიების შედეგებს ოფიციალური ბაქო კატეგორიულად უარყოფს.