მეცხრე მოწვევის პარლამენტის ერთ-ერთი ყველაზე მნიშვნელოვანი სესია გახსნილია. ბუნებრივია, პირველივე სხდომაზე განსაკუთრებული აქცენტი საკონსტიტუციო რეფორმის პროექტზე გაკეთდა, რომლის მესამე მოსმენით მიღება თვის ბოლოსთვისაა დაგეგმილი.

მმართველი პარტია სადავო დოკუმენტის კენჭისყრამდე ვენეციის კომისიის შუალედური დასკვნის გაცნობას და საჯარო დისკუსიის გამართვას აპირებს, რომელშიც ოპოზიციასთან ერთად მესამე სექტორსაც ეპატიჟება.

კონსტიტუციაში შესატანი ცვლილებების გარდა, სხდომაზე განხილვის საგანი გახდა ბოლო პერიოდში გახშირებული ხანძრებიც. ოპოზიციის განსკუთრებული კრიტიკის ობიექტი კრიზისების მართვის საბჭო იყო.