ერთი დღე ციცინათელაში – ამ სახელწოდების სოციალური კამპანიის ფარგლებში, პატიმრობაში მყოფი სოციალურად დაუცველი პირების შვილებს საშუალება ჰქონდათ მთელი დღე ციცინათელას გასართობ პარკში გაეტარებინათ.

12-დან 16 წლამდე 30 მოზარდმა ციცინათელას პარკში სხვადასხვა სახალისო აქტივობაში მიიღო მონაწილეობა. სოციალური კამპანია საქველმოქმედო ფონდ სავსე გულით და ბათუმის შოთა რუსთაველის სახელმწიფო უნივერსიტეტის სტუდენტური თვითმმართველობის ორგანიზებით ჩატარდა.

ღონისძიების მხარდამჭერები იყვნენ აჭარის ავტონომიური რესპუბლიკის უმაღლესი საბჭო და სასჯელაღსრულებისა და პრობაციის სამინისტრო.