კახეთში ხანძრის ოთხივე ლოკაციაზე სამუშაოები დილიდან უწყვეტ რეჟიმში გრძელდება.
სალიკვიდაციო ღონისძიებები ერთდროულად მიმდინარეობს ართანაში, შილდაში, ფშაველსა და ხახაბოს მიმართულებით.
შინაგან საქმეთა სამინისტროსა და ირანულ ვერტმფრენებს დღეიდან კომპანია თუშეთის ვერტმფრენიც ეხმარება. ავიაციამ პირველი შემოვლა უკვე განახორციელა.
ცეცხლის კერების და ამ წუთისთვის არსებული მდგომარეობის ამსახველი ვიდეომასალა მოამბემ ექსკლუზიურად მოიპოვა. თქვენ ახლა სწორედ ამ კადრებს ადევნებთ თვალს.
ცეცხლის ჩაქრობას ცდილობენ მეხანძრე-მაშველები, მეტყევეები და100-მდე მოხალისე. შექმნილია საგანგებო შტაბიც, რომელიც სალიკვიდაციო ღონისძიებებს უწევს კოორდინირებას.
შინაგან საქმეთა სამინისტროში ჯერჯერობით ვერ აკონკრეტებენ, რა ფართობზეა ცეცხლი გავრცელებული.
მარიამ სეთურიძე თემის დეტალებით.