საკონსტიტუციო რეფორმაზე სტრასბურგში ვენეციის კომისიასთან დაგეგმილი შეხვედრა, დიდი ალბათობით, აღარ გაიმართება. ,,ქართული ოცნების” გადაწყვეტილებით, ქვეყნის მთავარ კანონში შესატანი და ორი მოსმენით უკვე მიღებული ცვლილებები საშემოდგომო სესიაზე რედაქციული შესწორებებით დამტკიცდება.
საპარლამენტო უმრავლესობა ოპოზიციას ულტიმატუმების წაყენებაში სდებს ბრალს და მიიჩნევს, რომ ამ ფონზე კონსულტაციების გაგრძელებას აზრი აღარ აქვს.
ბრალდებას კონტრბრალდებებით პასუხობენ ოპოზიციური პარტიები, რომლებიც ხელისუფლებას მოლაპარაკების ცალმხრივად შეწყვეტაში ადანაშაულებენ. თუმცა ვენეციის კომისიის მოდერატორობით დაგეგმილ შეხვედრაზე დასწრების გარშემო ერთიანი პოზიცია ოპოზიციაშიც არ არის.
დღევანდელი განცხადების შემდეგ მმართველ პარტიას პრეზიდენტის ადამინისტრაციაც მიმართავს.