განათლების სამინისტრო დემირელის კოლეჯის მასწავლებლებსა და მოსწავლეების საგანმანათლებლო დაწესებულებაში გადაანაწილებს. ამის შესახებ სამინისტროს საზოგადოებასთან ურთიერთობის სამსახურის ხელმძღვანელმა ნატა ასათიანმა განაცხადა.

დემირელის სახელობის სკოლამ ავტორიზაცია ვერ გაიარა. განათლების ხარისხის განვითარების ეროვნული ცენტრის ინფორმაციით, კოლეჯში დარღვეული იყო სამივე სტანდარტი - ინფრასტრუქტურის, რესურსებისა და პერსონალის მიმართულებით. თავად კოლეჯის ხელმძღვანელობა ხარვეზების ნაწილის არსებობას აღიარებს, თუმცა ადმინისტრაციაში აცხადებენ, რომ მათი გამოსწორებისთვის შესაბამისი დრო არ მიეცათ და ავტორიზაციის გაუქმება გაფრთხილების გარეშე მოხდა. შესაბამისი განკარგულების გასაჩივრებას კი არ გეგმავენ.