შემზარავი შემთხვევა მოხდა ქვემო ქართლში. უმძიმესი მუხლით დაკავებულია ოთხი პირი, რომლებსაც ადამიანის წამებასა და გაუპატიურებაში ედებათ ბრალი. ბრალდებულთა რიცხვი, შესაძლოა, გაიზარდოს.

მსხვერპლი 42 წლის მამაკაცია, რომელსაც ჯერ ფიზიკურად გაუსწორდნენ, შემდეგ კი გააუპატიურეს.

თვითმხილველების ინფორმაციით, ძალადობის ფაქტი საჯაროდ სოფლის მცხოვრებთა თვალწინ მოხდა, შემთხვევა მობილური ტელეფონებითაც არის გადაღებული.

დანაშაულის სავარაუდო მოტივი ეჭვიანობაა. მოამბე საზოგადოებრივი მაუწყებლის ეთიკის კოდექსს ითვალისწინებს და შეგნებულად არ ასახელებს შემზარავი ფაქტის ადგილს, ასევე არ ვახდენთ მსხვერპლის იდენტიფიკაციას.