უკრაინა დამოუკიდებლობის 26 წლისთავს საზეიმო აღლუმით აღნიშნავს. 4500-მა უკრაინელმა სამხედრომ, ასევე ნატო-ს ცხრა წევრი ქვეყნის სამხედრო დანაყოფებმა ქვეყნის მთავარ გამზირზე ჩაიარეს.

ღონისძიებას 11 სახელმწიფოს თავდაცვის მინისტრი დაესწრო, მათ შორის აშშ-ის თავდაცვის მდივანი.

უკრაინის დამოუკიდებლობის დღისადმი მიძღვნილ ღონისძიებაში მონაწილეობა მიიღო საქართველოს ეროვნული გვარდიის ოცეულმაც.

აღლუმის მონაწილეებს სიტყვით მიმართა ქვეყნის პრეზიდენტმა პეტრო პოროშენკომ.

მიშა ფეიქრიშვილი კიევიდან.