ხმაურის ფონზე მიმდინარეობდა ზუგდიდის ბაზრის მიმდებარე ტერიტორიაზე გარემოვაჭრეთა დახლების დემონტაჟი.

ქალაქის მერიის ზედამხედველობის სამსახურის უფროსის განცხადებით, მოვაჭრეები ჯერ კიდევ აპრილში გააფრთხილეს დაეტოვებინათ ტერიტორია, თუმცა მათ საქმიანობის გაგრძელება ალტერნატიულ ფართში არ სურთ.

როგორც ზედამხედველობის სამსახურის ხელმძღვანელი ამბობს, ადგილზე წყალმომარაგების პროექტის განხორციელებას აზერბაიჯანული კომპანია გეგმავს, რომელმაც ზუგდიდის მერიას ტერიტორიის გათავისუფლების თხოვნით, რამდენჯერმე მიმართა.