ფოტოგრაფების პირველი მსოფლიო გაერთიანება მაგნუმი 70 წლისაა. საიუბილეოდ, ცნობილი ომის ფოტოგრაფის რობერტ კაპასა და ამერიკელი ნობელიანტი მწერლის ჯონ სტეინბეკის 1947 წლის მოგზაურობის მარშრუტს საქართველოში, რუსეთსა და უკრაინაში ფოტოგრაფი თომას დვორჟაკი და ცნობილი ბრიტანელი ჟურნალისტი, საერთაშორისო მიმომხილვევლი ჟულიუს შტრაუსი გაიმეორებენ და 70 წლის შემდეგ კაპასა და სტეინბეკის კვალდაკვალ იმოგზაურებენ.
პროექტის ავტორები რუსული დღიურების კვალდაკვალ ერთმანეთს სწორედ მწერლის სახლში შეხვდნენ, სადაც 70 წლის წინანდელი მოგზაურობა დაიგეგმა.
პროექტის თანამედროვე და ახალი ეპიზოდიც ამავე სახლში დაიწყო, მოგზაურობას თომას დვორჟაკი და ჟულიუს შტრაუსი დღეიდან იწყებენ და თავდაპირველად გორში, ასევე, ოკუპირებული სოფლების მიმდებარედ და ბორჯომში ჩასვლას აპირებენ.