სოფელ ზემო ბოშურის მიმდებარე ტყეში, ნახანძრალ ტერიტორიაზე, რამდენიმე ათეული სამხედრო მოსამსახურე ისევ რჩება, რომლებიც, პრევენციის მიზნით, მონიტორინგს ორი დღის განმავლობაში განახორციელებენ. ეს გადაწყვეტილება, ხანძრის ლიკვიდაციის შემდეგ, თავდაცვის მინისტრმა ლევან იზორიამ ადგილზე მიიღო. თავდაცვის უწყების ინფორმაციით, ატენის ხეობაში, სოფელ ზემო ბოშურის მიმდებარე ტერიტორიაზე, ტყეში გაჩენილი ხანძარი ლიკვიდირებულია.

სამხედრო მოსამსახურეები მთელი ღამის განმავლობაში ხანძრის ლოკალიზაციისსამუშაოებს აწარმოებდნენ, თავდაპირველად ხანძრის კერების ნიჩბებით იზოლირება, შემდეგ კი მეხანძრეების დახმარებით წყლის ჭავლით დამუშავება მოხდა.