ესპანური მედიის ინფორმაციით, ბარსელონას ტერაქტის შემსრულებელი სავარაუდოდ, ლიკვიდირებულია. ესპანური მედია წერს, რომ სპეცოპერაცია ბარსელონას დასავლეთით მდებარე დასახლებაში ჩაატარეს.

გავრცელებული ცნობით, 22 წლის მაროკოელ იუნეს აბუიაქუბს ყალბი „შაჰიდის ქამარი“ ეკეთა. მედიასაშუალებები სამართალდამცავებზე დაყრდნობით წერენ, რომ ინციდენტი სან სადურნი დე ანოიას მუნიციპალიტეტში ქალაქ სუბირატსში მოხდა. პოლიცია დამატებით ცნობებს უახლოეს ხანში გაავრცელებს.

შეგახსნებთ, რომ მანამდე გავრცელებული ინფორმაციით, ბარსელონას ტერაქტის შემსრულებელი დაკავებულია.