აგვისტო 18, 2017
რუხის საუნივერსიტეტო კლინიკის კორპუსების მშენებლობა დასრულდა. ამ ეტაპზე მიმდინარეობს შიდა სარემონტო სამუშაოები.
2018 წლიდან საერთაშორისო სტანდარტების შესაბამისი სამედიცინო ცენტრი რუხის და მიმდებარე სოფლების მცხოვრებლებს, სხვა რეგიონებიდან და აფხაზეთიდან ჩამოსულ პაციენტებს მოემსახურება.
მიმდინარე სამუშაოები ინფრასტრუქტურის მინისტრმა ზურაბ ალავიძემ, მხარის გუბერნატორთან ერთად დაათვალიერა.
კლინიკაში მოეწყობა აუდიტორიები, ბიბლიოთეკა სტუდენტებისა და რეზიდენტებითვის.
ასევე, სპორტულ-გამაჯანსაღებელი ინფრასტრუქტურა. პაციენტების ოჯახის წევრებისთვის სასტუმროს ტიპის საერთო საცხოვრებელი იფუნქციონირებს.
პროექტი სახელმწიფო ბიუჯეტიდან 41 მილიონ ლარზე მეტით ფინანსდება.
მაჩვენე მეტი