ვესტმინსტერის სასახლის კოშკის ცნობილი საათი, ბიგ-ბენი 21 აგვისტოდან გაჩერდება. საინფორმაციო სააგენტო "როიტერის" ინფორმაციით, სარემონტო სამუშაოები ოთხი წელი გაგრძელდება.
საათის ჩაქუჩები 157 წელია შეუჩერებლად მუშაობს. სარემონტო სამუშაოების მიმდინარეობისას მათ ხმას მოსახლეობა მხოლოდ იმ შემთხვევაში გაიგებს, თუ ქვეყანაში განსაკუთრებული მნიშვნელობის მოვლენა მოხდება.
ბიგ-ბენი არა მხოლოდ ლონდონის, არამედ მთელი დიდი ბრიტანეთის ყველაზე ცნობილი სიმბოლოა. კოშკს მსოფლიოში ყველაზე დიდი, ოთხივე მხარეს მიმართული, საათი აქვს, საათის ოთხი ციფერბლატიდან თითოეულის საფუძველში ლათინური წარწერაა განთავსებული „Domine Salvam fac Reginam nostram Victoriam primam„ „ღმერთო, დაიფარე ჩვენი დედოფალი ვიქტორია.
კოშკი, მსოფლიოში მარტოდ მდგარი საათის კოშკებიდან, სიმაღლით მესამეა. კოშკის მშენებლობა 1858 წელს დასრულდა. ბიგ-ბენის კადრები ოცზე მეტ ფილმშია გამოყენებული.