ქვეყნის უახლესი ისტორიის ტრაგიკული 13 თვე და 13 დღე: აფხაზეთის ომის დაწყებიდან 25 წელი გავიდა.

საომარ მოქმედებებს შეწირული ათასობით მებრძოლის და მოქალაქის სიცოცხლე, ეთნიკური წმენდა, უგზო-უკვლოდ დაკარგულები და საკუთარი სახლებიდან გამოდევნილი ასეულობით ათასი ოჯახი: 1992 წლის 14 აგვისტოს დაწყებული ომი 1993 წლის 27 სექტემბერს სოხუმის დაცემით და აფხაზეთის დაკარგვით დასრულდა.

სისხლიან შეტაკებებს და საბრძოლო მოქმედებების უმძიმეს შედეგებს ომის მსხვერპლთა ოჯახის წევრები პოლიტიკოსებთან ერთად იხსენებენ.

შეკრების ადგილი უცვლელია: გმირთა მოედანი, ტერიტორიული მთლიანობისთვის დაღუპულთა მემორიალი.