ამერიკის საპრეზიდენტო არჩევნებში ჩარევის საქმის გამოძიებისთვის დანიშნული პროკურორი რობერტ მიულერი თეთრი სახლის ყოფილი და მოქმედი მაღალჩინოსნების დაკითხვას გეგმავს.

ინფორმაციას ამერიკული გამოცემა „ნიუ-იორკ თაიმსი“ პრეზიდენტის აპარატში ანონიმურ წყაროზე დაყრდნობით აქვეყნებს.

მიულერის სიაში ერთ-ერთი პირველია პრეზიდენტის აპარატის ყოფილი ხელმძღვანელი რაინს პრიბუსი, რომელმაც აღნიშნული თანამდებობა ორი კვირის წინ დატოვა.

გამოცემაში ასევე წერია, რომ მიულერს ფედერალური ბიუროს ყოფილი ხელმძღვანელის, ჯეიმს კომის თანამდებობიდან გათავისუფლების კონკრეტული მიზეზის დადგენა სურს, რამაც შესაძლოა, გამოძიების პროცესში გადამწყვეტი როლი ითამაშოს.