საოკუპაციო რეჟიმმა გეგმა სისრულეში მოიყვანა. რუსმა სამხედროებმა ხელოვნური ბარიერები ამჯერად ზუგდიდის რაიონის სოფელ ხურჩაში აღმართეს.
ჯერ კიდევ ივნისში ადგილზე ხის ბოძების დამონტაჟების შემდეგ სოფელში მავთულხლართები გაავლეს. შედეგად დაახლოებით ორი ჰექტარი ფართობი საოკუპაციო ხაზს იქით მოექცა. ოკუპირებულია სიმინდის ყანები და სასაფლაოს ნაწილი.
მავთულხლართების გავლების პარალელურად, საოკუპაციო ხაზთან დაკავებები გახშირდა. ზუგდიდის რაიონის სოფელ ტყაიადან გატაცებული ორი ადგილობრივი უკვე გათავისუფლებულია.
ოფიციალური თბილისი საერთაშორისო საზოგადოებას რეაგირებისთვის მიმართავს, მოსკოვს კი აგრესიული ქმედებების შეწყვეტისკენ მოუწოდებს.
ხურჩაში ტერიტორიების მიტაცების საკითხი გალის მოახლოებული შეხვედრის დღის წესრიგში უკვე შეტანილია.