ცნობილი ქართველი მევიოლინე ლიანა ისაკაძე საქართველოშია. მუსიკოსი საერთაშორისო მუსიკალურ ფესტივალ „ღამის სერენადებში“ მიიღებს მონაწილეობას.

საფესტივალო საღამოები ბათუმში 26, 28 და 29 აგვისტოს გაიმართება, ხოლო თბილისში კონცერტი 31 აგვისტოს არის დაგეგმილი.

ფესტივალის სტუმრები იქნებიან გერმანელი პიანისტი დირიჟორი იუსტუს ფრანცი, კლარნეტისტები დანიელი და ალექსი და სხვა ცნობილი მუსიკოსები.

წლევანდელ ფესტივალზე ლიანა ისაკაძე მსმენელის წინაშე სოლისტისა და დირიჟორის ამპლუაში წარდგება. მუსიკალური ფესტივალი მეცხრედ იმართება.