დღეს შინდისელი ბიჭების გმირობის დღეა!

შინდისი, ჩვენი სინდისი

იმ დღეს შინდისფრად შემწუხრდა,
სისხლით იღება შინდისი,
შინდისს იომეს ქართველთა,
ქართლს განუწმინდეს სინდისი.

მომხდურს ზურგი არ აჩვენეს,
სიტყვაც არ დასცდათ გმობისა,
კვლავ გააღვიძეს ჩვენი ზნე,
მამულზე მტკიცედ დგომისა.

მზე სისხლისფერი დაეშვა
ქართლის ქედს გაღმა მხარესა,
ხვალ შინდისიდან ამოვა,
კარს შეულეწავს ღამესა.

ჰეი, თქვენ, შინდისელებო,
არაგველების მოდგმისა,
ცისკენ გიორგი მიგიძღვით,
ანწუხელიძის გორისა.

ცად ახომლილნი დაგვნათით,
რომ განგვინათოთ მერმისი,
ალგეთს ლეკვები დაგეშოთ,
მწედ, საზეპურო ერისნი.

წამოიმართოს ქართლი და
კამარა შეჰკრას კვლავ ღირსი, –
აადიდგოროს შინდისი,
შინდისი – ჩვენი სინდისი!